Ayxan Abbasov İlqar Qurbanovla birlikdə Cəbəllütariqə yollandı
Futbol üzrə Azərbaycan milli komandasının baş məşqçisi Ayxan Abbasov Azərbaycandan ayrılıb.
AFFA-dan "Mediasport"a verilən məlumata görə, mütəxəssis Cəbəllütariqə yollanıb.
Yığma komandanın direktoru İlqar Qurbanovla birlikdə səfərə çıxan çalışdırıcı U-21 milisinin AVRO-2027-nin seçmə qrup oyununu stadiondan izləyəcək.
Əsas millinin üzvü Rüfət Abbasov da U-21-in heyətinə qoşulmaq üçün gedib.
Cəbəllütariq - Azərbaycan qarşılaşması sabah Bakı vaxtilə saat 23:00-da start götürəcək.
