"Qarabağ"ın Kiyev "Dinamo"su ilə oynayacağı stadion məlum oldu
UEFA Konfrans Liqasında yarışacaq “Qarabağ”ın 3-cü təsnifatda Ukraynanın “Dinamo” (Kiyev) klubu ilə ilk oyununun yeri, vaxtı və hakimləri açıqlanıb.
"Mediasport" xəbər verir ki, avqustun 6-da Polşanın Lublin şəhərindəki eyniadlı stadionda keçiriləcək matç Bakı vaxtı ilə saat 21:00-da start götürəcək.
Qarşılaşmanı danimarkalı hakimlər briqadası idarə edəcək.
Baş hakim Morten Kroq, yan xətt hakimləri Şteffen Bramsen və Viktor Skite olacaqlar.
Dördüncü hakim funksiyasını Yakob Karlsen yerinə yetirəcək.
VAR-da Yakb Kelet, AVAR-da isə Yens Maye işləyəcək.
Xatırladaq ki, komandalar arasında cavab görüşü avqustun 13-də Bakıda reallaşacaq.
