"Sabah" Bakıda Almaniya klubuna, "Neftçi" səfərdə polşalılara uduzdu
Azərbaycanın basketbol klublar avrokuboklarda növbəti oyunlarını keçiriblər.
"Mediasport" xəbər verir ki, "Sabah" FİBA Çempionlar Liqasının əsas mərhələsində Bakıda "Alba" (Almaniya) ilə üz-üzə gəlib.
Milli Gimnastika Arenasında baş tutan qarşılaşma rəqibin qələbəsilə yelunlaşıb - 75:86.
"Neftçi" isə Avropa Kubokunun əsas mərhələsi çərçivəsində Polşada "Trefl"ə uduzub - 62:93.
Avrokuboklarda digər təmsilçimiz "Abşeron Lions"un qrupda ilk görüşü bu gün Bakıda Estoniya təmsilçisi "Kalev"ə qarşı olacaq.
Bakı İdman Sarayında keçiriləcək matç saat 19:00-da start götürəcək.
