Azərbaycan yığmasının baş məşqçisi ilə yeni müqavilə bağlandı
Azərbaycanın qadınlardan ibarət 3x3 basketbol millisinin baş məşqçisi Raşa Deliçlə müqavilənin müddəti uzadılıb.
Bu barədə "Mediasport"a Azərbaycan Basketbol Federasiyasının vitse-prezidenti Fərrux Mahmudov məlumat verib.
Onun sözlərinə görə, serbiyalı mütəxəssislə sentyabr ayında başa çatacaq sözləşmə yenilənib. O, daha 1 il yığmaya başçılıq edəcək.
Qeyd edək ki, Azərbaycanın qadınlardan ibarət 3x3 basketbol yığması tarixində ilk dəfə Raşa Deliçin rəhbərliyi altında “Paris-2024” Yay Olimpiya Oyunlarında iştirak edib.
Yığma ötən il Səudiyyə Ərəbistanının paytaxtı Ər-Riyad şəhərində keçirilmiş VI İslam Həmrəyliyi Oyunlarının qalibi olub.
