Avropa çempionatı: Azərbaycan millisi Bolqarıstan yığmasına qarşı
21 yaşadək futbolçulardan ibarət Azərbaycan millisi bu gün AVRO-2027-nin seçmə mərhələsində növbəti oyununu keçirəcək.
"Mediasport" xəbər verir ki, Rəşad Eyyubovun baş məşqçisi olduğu komanda B qrupunun 8-ci turu çərçivəsində Bolqarıstan yığmasının qonağı olacaq.
Görüş Plovdiv şəhərində baş tutacaq.
Xatırladaq ki, 6 komandalı qrupda 5 xalla 5-ci olan yığmamız bunadək Cəbəllütariqə qalib gəlib (1:0), Şotlandiya (3:3) və Bolqarıstanla (1:1) heç-heçə edib, Çexiya (0:5) və Portuqaliyaya (0:5, 0:4) uduzub.
AVRO-2027. Seçmə mərhələ. B qrupu. 8-ci tur
20:00. Bolqarıstan - Azərbaycan
Baş hakim: Denis Şurman
Yan xətt hakimləri: Dmitro Zaporojenko, Viktor Nijnik
Dördüncü hakim: Dmitro Pançişin (hakimlər briqadası Ukraynadandır)
Bolqarıstan, Plovdiv, “Xristo Botev” stadionu.
