Final matçının tarixi dəyişdirildi, bəs stadion? - Azərbaycan Kuboku
Futbol üzrə Azərbaycan Kubokunda final matçının vaxtı dəyişdirilib.
AFFA-dan "Mediasport"a verilən məlumata görə, turnirin 2024/2025-ci illər mövsümünün qalibi əvvəldən planlaşdırıldığı kimi iyunun 1-də müəyyənləşməyəcək.
Həlledici qarşılaşma Bakıda keçiriləcək minifutbol üzrə dünya çempionatının final görüşü ilə eyni günə təsadüf etdiyindən ertələnib.
Beləliklə, fors-major hal olmasa, kubokun final oyunu mayın 31-də baş tutacaq.
Matçın Mehdi Hüseynzadə adına Sumqayıt şəhər stadionunda keçiriləcəyi dəqiqdir. Məkan dəyişikliyi edilməyəcək.
Federasiyadan redaksiyamıza o da bildirildi ki, yekun qərarı aprelin 11-də Hesabat Konfransında AFFA rəhbərliyi verəcək.
