"İnanıram ki, tezliklə əsas heyət üzvü olacağam” - Tofik İsmail
“Hər matçda qalib gəlmək istəyirik. Bu oyun istisna deyildi, lakin sonda 1 xalla kifayətlənməli olduq”.
Bu sözləri "Mediasport"a açıqlamasında "Qarabağ"ın futbolçusu Tofik İsmail deyib.
Nigeriyalı vinger Azərbaycan Premyer Liqasının 5-ci turunun "Zirə" ilə səfər oyunu haqda düşüncələrini bölüşüb:
"Məhsuldar ötürmə ilə yadda qalmağım normaldır, mənim işimdir. Məqsədimiz qalib gəlməkdir. Təəssüf ki, ikinci qolu vura bilmədik.
Hədəfimiz çempionluqdur. Buna görə də bütün matçlarda 3 xal qazanmaq istəyirik.
Qarşıdakı matçlarda start heyətdə oynamağaıma gəlincə, bu haqda nəsə deyə bilmərəm. Qərarı baş məşqçi verir.
Məşqlərdə əlimdən gələni edirəm. İnanıram ki, tezliklə əsas heyət üzvü olacağam”.
