Azərbaycanlı qardaşlar Çimkənd yarışında finalda üz-üzə gəldilər
Azərbaycan güləşçisi Davud Məmmdov Qazaxıstanın Çimkənd şəhərində əməkdar məşqçi, akademik Mərdan Saparbayevin xatirəsinə yunan-Roma güləşi üzrə beynəlxalq turnirin qalibi olub.
"Mediasport" xəbər verir ki, təmsilçimiz 77 kq çəki dərəcəsində bütün rəqiblərini, o cümlədən finalda qardaşı Cavad Məmmədovu məğlub edib.
Ənənəvi yarışda U-20 milli komandasının məşqçisi Akif Əliyevin rəhbərliyi altında iki Azərbaycan güləşçisi fəxri kürsüyə qalxıb.
Qardaşına 1:3 hesabı ilə uduzan Cavad gümüş mükafatla kifayətlənib.
