"Sabah" FİBA Çempionlar Liqasında "Trabzonspor"u məğlub etdi
FİBA Çempionlar Liqasının müntəzəm mövsümündə təmsilçimiz "Sabah" basketbol klubu qrupda növbəti qələbəsini qazanıb.
"Mediasport" xəbər verir ki, Azərbaycan çempionu 4-cü turda Bakıda Türkiyənin "Trabzonspor" kollektivini məğlub edib.
Milli Gimnastika Arenasında keçirilən görüş 91:72 hesabı ilə yekunlaşıb.
Xatırladaq ki, "bayquşlar" əvvəlki turda Fransanın "Nanter 92" komandasına qalib gəlmişdilər (87:80).
Komanda səfərdə "Ritas"a (Litva) və "Trabzonspor"a uduzub.
