"Araz-Naxçıvan"ın Çempionlar Liqası matçlarının təyinatları
"Araz-Naxçıvan"ın futzal üzrə UEFA Çempionlar Liqasının qrup mərhələsindəki oyunlarını idarə edəcək hakimlər açıqlanıb.
"Mediasport" xəbər verir ki, Orest Dutsyak (Ukrayna), Qonsalo Felipe Santos Duarte (Portuqaliya), Vladimir Sebek (Monteneqro), Aleksandar Vangelov (Bolqarıstan) iş başında olacaq.
Talal Daravşi hakim-inspektor funksiyasını icra edəcək.
"Araz-Naxçıvan" UEFA Çempionlar Liqasının ilkin mərhələsində F qrupunda mübarizə aparacaq.
Təmsilçimiz 27 avqustda Şimali İrlandiyanın "Sparta" (Belfast), ertəsi gün Şotlandiyanın PYF, avqustun 30-da Avstriyanın "Ljuti" komandaları ilə qarşılaşacaq.
