Renat Dadaşov Polşada növbəti məğlubiyyətsiz oyununu keçirdi
Futbol üzrə Azərbaycan millisinin üzvü Renat Dadaşov Polşada növbəti məğlubiyyətsiz oyununu keçirib.
"Mediasport" xəbər verir ki, 26 yaşlı hücumçunun formasını geyindiyi "Radomiak" 33-cü tur çərçivəsində "Stal"ın qonağı olub.
72-ci dəqiqədə meydana çıxan forvardın komandası məğlubiyyətdən sona 10 dəqiqə qalmış qurtulub - 2:2.
Son 5 turda 4-cü heç-heçəsini edən Radom təmsilçisi 41 xalla 12-ci pillədə yer alıb.
Qeyd edək ki, mövsümü "Radomiak"da keçirən və son görüşlərdə adı iştirak ərizəsinə salınmayan yığmamızın digər futbolçusu Rahil Məmmədov bir neçə gün öncə düşərgəni tərk edib.
