Yığmamızın UEFA Millətlər Liqası oyunu eston hakimlərə tapşırıldı
Noyabrın 13-də UEFA Millətlər Liqasında keçiriləcək Lixtenşteyn - Azərbaycan oyununun hakimləri açıqlanıb.
"Mediasport" xəbər verir ki, D Liqasının qarşılaşmasının Estoniyadan olan ədalət təmsilçiləri idarə edəcəklər.
FİFA referisi Kristo Tohverə yan xətlərdə Silver Koiv və Sander Saqa yardımçı olacaqlar.
Dördüncü hakim funksiyasını Yonas Yanovits yerinə yetirəcək.
VAR-da Marko Liva, AVAR-da Yuri Frişer işləyəcək.
Vaduts şəhərində baş tutacaq matç Bakı vaxtı ilə saat 23:45-də start götürəcək.
