Azərbaycan millisi Belarus yığmasına da məğlub oldu

Azərbaycan millisi Belarus yığmasına da məğlub oldu

Futbol üzrə Azərbaycanın A milli komandası təlim-məşq toplanışı çərçivəsində ikinci yoldaşlıq oyununu keçirib.

"Mediasport" xəbər verir ki, Fernandu Santuşun rəhbərlik etdiyi yığmamız Bakıda Belarus futbolçuları ilə qarşılaşıb.

Martın 22-də Sumqayıtda Haiti seçməsinə uduzan (0:3) komandamız Masazırda da belaruslulara məğlub olub.

Qeyd edək ki, əsas yığmamız indiyədək 6 dəfə Belarus millisi ilə görüşmüşdü.

Komandamız rəqibinə yalnız bir dəfə - 2018-ci ildə Bakıda yoldaşlıq oyununda uduzmuşdu.


Yoldaşlıq oyunu


Azərbaycan - Belarus 0:2

Baş hakim: Aleko Aptsiauri

Yan xətt hakimləri: Davit Axvlediani, Davit Qabisoniya (hamısı Gürcüstan)

Dördüncü hakim: Tural Qurbanov (Azərbaycan)

Masazır, “Bank Respublika Arena”.

Azərbaycan: 23. Rza Cəfərov, 21. Mert Çelik, 4. Bəhlul Mustafazadə (k), 14. Zamiq Əliyev, 17. Toral Bayramov, 6. Ozan Kökçü, 18. Səbuhi Abdullazadə, 25. Şahin Şahniyarov, 10. Mahir Emreli, 24. Xəyal Əliyev, 19. Nəriman Axundzadə.

Baş məşqçi: Fernandu Santuş.

Belarus: 16. Fyodor Lapouxov, 3. Pavel Zabelin, 6. Sergey Politeviç (k), 4. Aleksey Qavriloviç, 2. Kirill Peçenin, 9. Maks Ebonq, 14. Yevgeni Yablonski, 19. Yuri Kovalyov, 17. Vitali Lisakoviç, 10. Valeri Qromiko, 23. Trofim Melniçenko.

Baş məşqçi: Karlos Alos.


Azərbaycan - Belarus oyunları

27.05.1996 Belarus, Molodeçno şəhəri. Belarus - Azərbaycan 2:2 (Yoldaşlıq oyunu)

26.02.2001 Bolqarıstan, Albena şəhəri. Belarus – Azərbaycan 0:1 (Yoldaşlıq oyunu)

23.03.2018 Bakı. Azərbaycan – Belarus 0:1 (Yoldaşlıq oyunu)

02.06.2021 Belarus, Minsk şəhəri. Belarus – Azərbaycan 1:2 (Yoldaşlıq oyunu)

06.06.2022 Serbiya, Novi Sad şəhəri. Belarus – Azərbaycan 0:0 (UEFA Millətlər Liqası)

13.06.2022 Bakı. Azərbaycan – Belarus 2:0 (UEFA Millətlər Liqası)