Hakimi təhqir edən "Neftçi"nin məşqçisinə 5 oyunluq cəza verildi
AFFA İntizam Komitəsi aşağı yaş liqalarında qeydə alınan neqativ hadisələrlə bağlı qərarlarını açıqlayıb.
"Mediasport" xəbər verir ki, "Neftçi"nin U-14 komandasının məşqçisi Nicat Musayevə 5 oyunluq cəza verilib.
Gənc mütəxəssis “Ulduz” FA oyunda hakimi təhqir etdiyinə görə qırmızı vərəqə ilə texniki zonadan kənarlaşdırılıb.
Region Liqasının “Ərgünəş” (Füzuli) – “Hacıqabul” görüşü bitdikdən sonra meydan sahiblərinin futbolçusu Musa Abdullayev hakimi təhqir etdiyinə görə qırmızı vərəqə ilə meydandan kənarlaşdırıldığına görə 4 oyun cəzalanıb.
Region Liqasının “Cəngi” – “Xanlıq” qarşılaşmasında qonaqların futbolçusu Elşad Hacıyevin təcavüzkar davranışa görə qırmızı vərəqə ilə meydandan kənarlaşdırıldığına görə 4 oyun buraxacaq.
“Mil”lə qarşılaşmada təcavüzkar davranışa görə qırmızı vərəqə ilə meydandan kənarlaşdırıldıan “Lokomotiv”in (İmişli) futbolçusu Hüseyn Əliyevin də cəzası eyni olub.
U-17 Liqasının “Neftçi” - “Masallı” matçında meydan sahiblərinin futbolçusu Fərid Kərimli və qonaqların oyunçusu İslam Şahgəldiyev təcavüzkar davranışa görə qırmızı vərəqə ilə meydandan kənarlaşdırıldıqlarına görə 4 oyun diskvalifikasiya olunublar.
