İtaliya A Seriyasına yüksələn sonuncu komanda məlum oldu
Futbol üzrə İtaliya A Seriyasına yüksələn sonuncu komanda müəyyənləşib.
"Mediasport" xəbər verir ki, B Seriyasında pley-off matçlarının ümumi qalibi "Monza" olub.
Paolo Biankonun baş məşqçisi olduğu kollektiv 2:0 hesabı ilə qalib gəldiyi matçın cavabında eyni fərqlə uduzub.
İtaliyada reqlamentə əsasən, pley-off qarşılaşmaları bərabərliklə yekunlaşanda üstünlük komandalardan hansının çempionatı yuxarı sırada başa vurduğuna verilir.
Beləliklə, B Seriyasında mövsümü 3-cü pillədə tamamlamış "Monza" elitaya yüksəlib.
Xatırladaq ki, daha əvvəl çempion "Venesiya" ilə ikinci yerin sahibi "Frosinone"nin A Seriyasında yarışacağı dəqiqləşmişdi.
