Messi və Suaresin komanda yoldaşı Azərbaycana gəlir - SİYAHI
Martın 22-də Sumqayıtda yoldaşlıq oyunu çərçivəsində Azərbaycan millisinin qonağı olacaq Haiti yığmasının heyəti açıqlanıb.
"Mediasport" xəbər verir ki, baş məşqçi Sebastyen Minye düşərgəyə 24 futbolçu çağırıb.
Mərkəz müdafiəçisi Peterson Pyer-Luisdən başqa bütün futbolçular legioner həyatı yaşayırlar.
Heyətdə Fransa, Türkiyə, Yunanıstan, Niderland, Danimarka, Belçika, İtaliya, Portuqaliya, ABŞ, Ekvador, Albaniya, Yamayka və Litvada oynayan futbolçular var.
ABŞ-nin "İnter" (Mayami) klubunda Lionel Messi və Luis Suareslə birgə oynayan 34 yaşlı hücumçu - tam adı Fabrise Jan-lan Piko olan Fafa Piko da Azərbaycana səfər edəcək heyətdə yer alacaq.
Qapıçılar: Qarison İnosent ("Rietryay", Litva), Jona Mednar ("Veyk Forest Yuniversiti", ABŞ), Aleksandr Pyer ("Soşo-Monbelyar", Fransa);
Müdafiəçilər: Karlens Arküs ("Anje", Fransa), Martin Eksperiens ("Nansi Loreyn", Fransa), Dük Lakroa ("Kolorado Sprinqs Svitçbəks", ABŞ), Rikardo Ade (LDU, Ekvador), Jan-Kevin Düvern ("Kortreyk", Belçika), Peterson Pyer-Luis ("Real Houp" Futbol Akademiyası), Fransua Düliss ("Eqnatiya", Albaniya), Vilkn Poqan ("Sankt Pölten", Avstriya);
Yarımmüdafiəçilər: Karl Fred Sante ("Feniks Rayzinq", ABŞ), Denli Jan Jak ("Filadelfiya Yunion", ABŞ), Leverton Pyer, Teo Mişel (hər ikisi "Şatoru", Fransa), Kristofer Atis ("Lekko", İtaliya), Emerson Less ("Maunt Plezent" Futbol Akademiyası, Yamayka);
Hücumçular: Dükkens Nazon ("Kayserispor", Türkiyə), Frontdi Pyero (AEK, Yunanıstan), Mondi Prunye ("Frank Boran", Belçika), Fafa Piko ("İnter", ABŞ), Dani Jan ("Toreense", Portuqaliya), Ruben Providens ("Almere Siti", Niderland), Luisius Don Didson ("Odense", Danimarka).
Mehdi Hüseynzadə adına Sumqayıt şəhər stadionunda baş tutacaq oyun saat 21:45-də start götürəcək.
