Millimiz Yaponiya ilə qarşılaşır
Qəbələdə təlim-məşq toplanışında olan Azərbaycanın U-20 milli komandası bu gün növbəti oyununu keçirəcək.
"Mediasport" xəbər verir ki, Rui Jorjenin baş məşqçisi olduğu kollektiv Yaponiyandan olan həmyaşıdları ilə qarşılaşacaq.
Qəbələ şəhər stadionunda baş tutacaq matç saat 16:00-da start götürəcək və "CBC Sport" telekanalı vasitəsilə canlı yayımlanacaq.
Xatırladaq ki, yığmamız 2 gün əvvəl Qəbələdə yoxlama qarşılaşmasında Moldova millisinə uduzub (0:1).
