"Azərbaycan derbisi": "Neftçi" "Qarabağ"la üz-üzə - YENİLƏNİR
Bu gün Azərbaycan Premyer Liqasının 21-ci turundan təxirə salınan "Neftçi" – "Qarabağ" matçı baş tutacaq.
"Mediasport" xəbər verir ki, mövsümün sonuncu "Azərbaycan derbisi" "ağ-qaralar"ın meydanında keçiriləcək.
Görüşü Kamranbəy Rəhimov idarə edəcək.
Xatırladaq ki, avrokuboklara vəsiqə qazanmağa çalışan "Neftçi" qalib gəlsə, 4-cü pilləyə yüksələcək.
Paytaxt təmsilçisi son 18 oyunda "atlılar"ı məğlub edə bilməyib. Başqa sözlə, bakılıların sonuncu qələbəsi 2021-ci il mayın 19-da qeydə alınıb.
Qurban Qurbanovun komandası 59 xalla ikinci sırada yer alıb və mövqeyini "Turan Tovuz"a təhvil verə bilər.
Azərbaycan Premyer Liqası. 21-ci tur
20:00 "Neftçi” – “Qarabağ”
Hakimlər: Kamranbəy Rəhimov, Rəhman İmami, Müslüm Əliyev, Rəşad Əhmədov
VAR: Elçin Məsiyev
AVAR: Elşad Abdullayev
Hakim-inspektor: Babək Quliyev
AFFA nümayəndəsi: Elgiz Abbasov
“Palms Sports Arena”
