Polşa millisinin üzvü "Sabah"da
"Sabah" heyətinə yeni legioner cəlb edib.
"Mediasport" xəbər verir ki, Masazır təmsilçisi polşalı sol cinah müdafiəçisi Timoteuş Puxaçla güclənib.
26 yaşlı futbolçu Almaniyanın 2-ci Bundesliqa klubu "Holştayn Kil"dən 1 illik icarəyə götürülüb.
Puxaç karyerası ərzində Polşanın "Lex", "Zaqlebie" (Sosnovets), GKS (Katovitse), Almaniyanın "Union" (Berlin), "Kayzerslautern", Türkiyənin "Trabzonspor", Yunanıstanın "Panatinaikos" və İngiltərənin "Plimut" klublarında forma geyinib.
Timoteuş Polşanın əsas millisində 15 oyun keçirib.
