"Qarabağ" və "Zirə" Azərbaycana reytinqdə növbəti xalları gətirdi
Azərbaycanın UEFA reytinqindəki əmsalında növbəti dəfə çoxalma rəsmiləşib.
"Mediasport" xəbər verir ki, bu, "Qarabağ" və "Zirə"nin avrokubokların I təsnifat mərhələsinin cavab matçlarında da qələbə qazanmalarına görə olub.
Ağdam təmsilçisi UEFA Avropa Liqasında İslandiyanın "Vestri", "qartallar" isə UEFA Konfrans Liqasında Gürcüstanın "Torpedo" klubunu səfərdə 3 cavabsız qolla məğlub edib.
Bununla da ölkəmizin hesabına 0,500 xal əlavə olunub.
Azərbaycanın reytinqinə cari mövsüm ümumilikdə 1,500 xal yazılıb.
Ölkəmiz hazırda 20,062 xalla 26-cı sırada qərarlaşıb. Azərbaycanan öndəki İsrailin 20,750, 27-ci pillədə dayanan Bolqarıstanın isə 18,562 əmsalı var.
Reytinqə 101,852 xalla İngiltərə başçılıq edir.
