"Qarabağ"ın oyununa biletlər 3 manatdan satışa çıxarıldı
Fevralın 1-də Premyer Liqanın 18-ci turu çərçivəsində keçiriləcək "Qarabağ" - "Turan Tovuz" ilə oyununun biletləri satışa çıxarılıb.
"Mediasport" xəbər verir ki, biletlərin qiyməti sektorlara uyğun olaraq dəyişir.
Qiyməti 3, 7 və 15 manat aralığında olan biletləri iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarından əldə edə bilərsiniz.
Qapılar azarkeşlər üçün matçın start fitindən 90 dəqiqə əvvəl açılacaq.
Oyun saat 18:30-da başlanacaq.
