Rüfət İsrail Premyer Liqasında cərimə zərbəsindən qol vurdu
Futbol üzrə İsrail Premyer Liqasında ikinci turun oyunları keçirilir.
"Mediasport" xəbər verir ki, Azərbaycan millisinin yarımmüdafiəçisi Rüfət Abdullazadənin formasını geyindiyi “Hapoel” (Kiryat-Şmona) doğma meydanda “İroni” (Tveriya) ilə qarşılaşıb.
Matç meydan sahiblərinin inamlı qələbəsi ilə yekunlaşıb - 2:0.
"Hapoel"in ikinci qolunu 72-ci dəqiqədə cərimə zərbəsindən Rüfət Abdullazadə vurub.
Startda meydana çıxan vinger 78-ci dəqiqədə əvəzlənib.
