"Sabah" ÇL-in ilk qrup oyununda 30 xallıq fərqlə məğlub oldu
"Sabah" basketbol klubunun U-18 komandası gənclər arasında Çempionlar Liqasında mübarizəyə uğursuz başlayıb.
"Mediasport" xəbər verir ki, təmsilçimiz B qrupunun ilk turu çərçivəsində Bosniya və Herseqovinanın "İqokea" komandasına məğlub olub.
Laktaşi şəhərində keçirilən görüş meydan sahiblərinin 30 xallıq üstünlüyü ilə yekunlaşıb - 88:58.
"Sabah"ın növbəti görüşü Almaniyanın "Porşe BBA Lüdviqsburq" komandasına qarşı olacaq.
Reqlamentə əsasən, qrup qalibləri yarımfinala vəsiqə qazanacaq. İkinci yeri tutanlar 5-8, sonuncu yerin sahibləri isə 9-12-ci yerlər uğrunda mübarizə aparacaqlar.
