Azərbaycandan ayrılan futbolçu Rumıniya klubunda oynayacaq
"Səbail"in sabiq futbolçusu Pedro Nunonun yeni komandası müəyyənləşib.
"Mediasport" xəbər verir ki, portuqaliyalı oyunçu Rumıniyanın "Otelul" klubu ilə 2027-ci ilə qədər müqavilə imzalayıb.
Pedro karyerası ərzində "Benfika", "Tondela" (hər ikisi Portuqaliya), "Adanaspor" (Türkiyə) klublarında da forma geyinib.
O, 2023-24 mövsümündə "dənizçilər"in heyətində top qovub, 37 oyuna çıxıb, 11 qol vurub və 7 məhsuldar ötürmə edib.
