"Qarabağ" pley-off mərhələsində ilk oyununa çıxır - Çempionlar Liqası
Bu gün avrokuboklardakı yeganə təmsilçimiz "Qarabağ" UEFA Çempionlar Liqasının pley-off mərhələsində ilk oyununa çıxacaq.
"Mediasport" xəbər verir ki, Qurban Qurbanovun komandasının qitənin ən nüfuzlu klub turnirinin liqa mərhələsinə gedən yolda növbəti rəqibi "Ferensvaroş"dur.
Macarıstanda keçiriləcək matçın baş hakimi vəzifəsini portuqaliyalı Joau Pineyru yerinə yetirəcək.
İlk duel Bakı vaxtilə saat 23:00-da start götürəcək.
Komandalar avqustun 27-də Bakıda cavab qarşılaşmasına çıxacaqlar. Bu cütdə məğlub olan tərəf yoluna UEFA Avropa Liqasının Liqa mərhələsində davam edəcək.
UEFA Çempionlar Liqası. Pley-off mərhələsi. İlk oyun
23:00 "Ferensvaroş" - "Qarabağ"
Baş hakim: Joau Pineyru
Baş hakimin köməkçiləri: Brunu Migel Alveş Jezuş, Lusiano Antonio Qomeş Maya
Dördüncü hakim: Klaudiu Filipe Ruivu Pereyra
VAR: Tyaqu Brunu Lopes Martinş
AVAR: Fabiu Oliveyra Melu
Budapeşt, "Ferensvaroş Stadionu".
