"Yeni bir səhifə açmaq vaxtıdır"
"Çempionlar Liqasında mübarizə aparmaq, həm bir oyunçu, həm də bir insan kimi inkişaf etmək fürsəti qazandığım xüsusi bir mövsüm oldu. İndi isə vərəqi çevirmək və yeni bir səhifə açmaq vaxtıdır".
"Mediasport" xəbər verir ki, bu sözlər "Qarabağ"ın futbolçusu Dani Bolta məxsusdur.
Braziliyalı başa çatan mövsümlə bağlı təəssüratlarını bölüşüb, ona dəstək olan hər kəsə minnətdarlığını ifadə edib:
“Daha bir mövsümün sonuna gəldik. Yaşadığım hər şeyə, dəf etdiyim çətinliklərə, qazandığım uğurlara, meydanda və meydandan kənarda keçirdiyim hər bir ana görə çox minnətdaram.
Başlayacaq yeni mövsüm üçün çox həyəcanlıyam. Yeni hədəflər, yeni çağırışlar və hər gün əlimdən gələnin ən yaxşısını etmək üçün məni daha da motivasiya edən, yüksək səviyyəli bir turnirdə – Avropa Liqasında mübarizə aparmaq şansı məni gözləyir.
Bu yolda yanımda olan hər kəsə təşəkkür edirəm. Çoxlu zəhmət, fədakarlıq və möhtəşəm anlarla dolu növbəti bir mövsümə doğru!”
Xatırladaq ki, Ağdam klubunda 2025-ci ilin iyulundan forma geyinən cənubi amerikalı 2025/2026 mövsümündə 25 matç keçirib, 1 qol vurub.
