12 qılıncoynadanımız Gimnaziada İdman Oyunlarında yarışacaq
ISF U-15 Gimnaziada İdman Oyunlarında iştirak edəcək Azərbaycan qılıncoynadanları Serbiyaya yola düşüblər.
"Mediasport" xəbər verir ki, aprelin 4-14-də Zlatibor şəhərində 15 yaşa qədər oğlanlar və qız idmançılar arasında keçiriləcək multi-idman yarışlarında təmsilçilərimiz sablya və şpaqa növləri üzrə çıxış edəcəklər.
Komandamızın heyətində məşqçilər Nəcəf Məhərrəmov və Elvin Rzazadənin rəhbərliyi ilə Fatimə Şükürlü, Cahan Sadıxova, Zəhra Xəlilova, Gəray Məmmədli, Abdulmalik Nəsibzadə, Nəcəf Şabanlı, Mirnuray Abbasova, Esnat Mirzəyeva, Aydan Atakişiyeva, Rəhman Məmmədov, Tunar Süleymanov və Bəhram Əliyev yer alıblar.
Cavanşir Ağakişiyev isə yarışda hakimlik edəcək.
