Avropa çempionatı: Azərbaycan millisi səfərdə Yunanıstana uduzdu
Futzal üzrə Azərbaycan millisi AVRO-2026-nın əsas mərhələsində növbəti matçına çıxıb.
"Mediasport" xəbər verir ki, millimiz Afinada Yunanıstan seçməsi ilə qarşılaşıb.
Komandamız Bakıda 2:2 hesablı heç-heçə etdiyi rəqibinə bu dəfə uduzub.
Yığma 5 turdan sonra 2 xalla qrupda üçüncü pillədə qərarlaşıb.
Vitali Borisovun rəhbərlik etdiyi kollektiv aprelin 11-də səfərdə İsveç, 15-də Bakıda Xorvatiya futzalçıları ilə üz-üzə gələcək.
AVRO-2026. Əsas mərhələ. 5-ci tur
Yunanıstan - Azərbaycan 3:2
Qollar: Alexandros Adamopoulos, 2:11, Spyridon Papakostas, 30:39, Marios Ntatis, 39:56 // Kənan Manafov, 32:39, 39:38.
Hakimlər: Trayan Ençev, Kaloyan Kirilov, İvan İvanov (hamısı Bolqarıstan)
Hakim-inspektor: Sven Eyhler (Almaniya)
UEFA nümayəndəsi: Andrey Miadzvedzeu (Belarus)
Yunanıstan, Afina. DAİS Sports Hall.
