Avropa çempionatı: Azərbaycan millisi Albaniya yığmasına uduzdu
17 yaşadək futbolçulardan ibarət Azərbaycan milli komandası Avropa çempionatının II seçmə mərhələsində ilk oyununu keçirib.
"Mediasport" xəbər verir ki, B Liqasının 6-cı qrupunda yer alan yığmamız Albaniya seçməsi ilə qarşılaşıb.
Aqil Nəbiyevin komandası böyük hesabla uduzub.
Qrupun bütün oyunları Albaniyada keçiriləcək.
Qeyd edək ki, 3 komandalı qrupda futbolçularımızın digər rəqibi martın 22-də Uels millisi olacaq.
Avropa çempionatı. B Liqası, 6-cı qrup. 1-ci tur
Azərbaycan - Albaniya 1:4
Qollar: Tunar Rzayev, 47 - Evangelos Qyoka, 7; 53; 64. Qabriel Kulya, 76.
Baş hakim: Jeremi Müller (Lüksemburq)
Baş hakimin köməkçiləri: Yannik Ments (Lüksemburq), Can Marko Erkolani (San Marino)
Dördüncü hakim: Mişele Beltrano (San Marino)
Albaniya, Elbasan Arena.
