Azərbaycan millisi səfərdə İsveç yığmasına uduzdu - AVRO-2026
Futzal üzrə Azərbaycan milli komandası AVRO-2026-nın əsas mərhələsində növbəti oyununu keçirib.
"Mediasport" xəbər verir ki, Vitali Borisovun baş məşqçisi olduğu kollektiv 5-ci tur çərçivəsində İsveç yığmasının qonağı olub.
Bakıda bu rəqiblə 3:3 hesablı heç-heçə edən komandamız məğlubiyyətdən qaça bilməyib.
Qeyd edək ki, futzalçılarımız 4 turdan sonra 2 xalla turnir cədvəlinin sonuncu pilləsində qərarlaşıblar.
Lider Xorvatiyanın 12 xalı var.
Avropa çempionat. Əsas mərhələ. 5-ci qrup, 5-ci tur
İsveç - Azərbaycan 4:3
Hakimlər: Peter Nyurs, Cordan Qriffits, Oliver Rodriges-Ballinger (Hakimlər briqadası İngiltərədəndir)
Hakim-inspektor: Boqdan Soresku (Rumıniya)
UEFA nümayəndəsi: Fabrisio Di Feliçe (İtaliya)
Timekiper: George Yansizian (İsveç)
Helsinqborq Arena.
