Azərbaycan şahmatçıları gerilədilər - Yeni REYTİNQ cədvəli açıqlandı

Azərbaycan şahmatçıları gerilədilər - Yeni REYTİNQ cədvəli açıqlandı

Beynəlxalq Şahmat Federasiyası (FİDE) aprel ayı üçün reytinq cədvəlini açıqlayıb.

"Mediasport" xəbər verir ki, siyahıda yer alan Azərbaycan təmsilçiləri geriləyiblər.

Şəhriyar Məmmədyarov 2, Teymur Rəcəbov 4, Rauf Məmmədov 2 pillə geri düşüb.

Aktivində 2748 xalı olan Məmmədyarov 13-cü, 2692 xalı olan Rəcəbov 39-cu, 2657 xalı olan Məmmədov isə 69-cu sıraya enib.

Kişilərin reytinqinə 2837 xalla norveçli Maqnus Karlsen başçılıq edir.

Qadınların sıralamasında iki pillə geriləyən Gövhər Beydullayeva (2400) 45-ci, Günay Məmmədzadə (2390) 53-cü yerə düşüb.

Ülviyyə Fətəliyeva (2387) 57-ci, Xanım Balacayeva (2358) 85-ci pillədə qalıb.

Siyahıya 2633 xalla çinli Yifan Hu başçılıq edir.