"Günahkarlar axtarmaq lazım deyil" - Yığmamızın məşqçisi
Azərbaycanın futbol üzrə A milli komandasının məşqçisi Rəşad Eyyubov yığmanın yoldaşlıq görüşlərində uğursuz nəticələri ilə bağlı paylaşım edib.
"Mediasport" xəbər verir ki, mütəxəssis sosial şəbəkə hesabında çətin vəziyyətdən çıxacaqlarını qeyd edib.
"Mənim ilk beynəlxalq təcrübəm bizim arzuladığım kimi start götürmədi. Futbolçular məşqçi heyəti və inzibati heyət kimi bütün güclərini sərf etdilər.
İndi gözəl sözlər və fikirlər söyləmək vaxtı deyil. Günahkarlar axtarmaq lazım deyil - hamımız bu məsuliyyəti daşıyırıq və əminəm ki, birlikdə çətin vəziyyətdən çıxacağıq".
Qeyd edək ki, komandamız Haitiyə 0:3, Belarusa 0:2 hesabları ilə məğlub olub.
