Azərbaycanın 8 qadın şahmatçısı Avropa çempionatında yarışacaq
Sabah Yunanıstanın Rodos adasında qadın şahmatçılar arasında Avropa çempionatı start götürəcək.
"Mediasport" xəbər verir ki, aprelin 11-dək davam edəcək qitə birinciliyində Azərbaycan 8 zəka sahibi ilə təmsil olunacaq.
Ülviyyə Fətəliyeva, Gövhər Beydullayeva, Gülnar Məmmədova, Ayan Allahverdiyeva, Türkan Məmmədyarova, Səbinə İbrahimova, Nərmin Abdinova və Lalə Hüseynova tunirdə mübarizə aparacaq.
Avropa çempionatında 137 iştirakçı qüvvəsini sınayacaq.
Qeyd edək ki, qitə yarışının son qalibi təmsilçimiz Ülviyyə Fətəliyevadır.
İsveçrə sistemi üzrə keçiriləcək yarış 11 turdan ibarət olacaq.
