Azərbaycanın üç güləşçisi beynəlxalq turnirdə çempion oldu
Türkiyənin Kocaeli şəhərində güləş üzrə Hasan Gemici və Qazanfer Bilgenin xatirə turniri keçirilib.
"Mediasport" xəbər verir ki, ənənəvi turnirin son 2 günündə 5 güləşçimiz fəxri kürsüyə qalxıb.
Sərbəst güləşdə Ruslan Abdullayev (65 kq) qızıl, onunla eyni çəkidə yer alan Musa Ağayev bürünc medal qazanıb.
Yunan-Roma güləşində Ruslan Nurullayevlə (72 kq) Tuncay Vəzirzadə (87 kq) çempion olub, Nihat Məmmədli (63 kq) bürünc medalı boynundan asıb.
Xatırladaq ki, ilk yarış günündə güləşçilərimiz 4 medal qazanıblar - sərbəst güləşdə Xetaq Karsanov (125 kq) gümüş, Ramik Heybətov (70 kq) bürünc, yunan-Roma güləşində Sərxan Məmmədov (130 kq) gümüş, ən ağır çəkidəki digər təmsilçimiz Beka Kandelaki isə bürünc medal əldə edib.
