Daha bir güləşçimiz Bolqarıstanda Avropa çempionu adını qazandı
Bolqarıstanın Samokov şəhərində güləş üzrə U-15 Avropa çempionatı davam edir.
"Mediasport" xəbər verir ki, Yusif Abdullayev (38 kq) finalda gürcüstanlı Rezi Yobidzeyə tam üstünlüklə (10:0) qalib gələrək Avropa çempionu olub.
Elman İsmayılov (41 kq) finalda bolqarıstanlı Simyon Velikova 4:15 hesabı ilə məğlub olub və gümüş medala yiyələnib.
Məhəmməd Kərimov (44 kq) belaruslu Aleksandr Hamova tam üstünlüklə (16:6) qalib gəlib və bürünc medala sahib çıxıb.
Adəm Quliyev (52 kq) finalda rusiyalı Badruddin Maqomedova 7:9 hesabı ilə uduzub və turniri gümüş medalla başa vurub.
