Dünya ulduzları DÇ-2026-nın bağlanış mərasiminə qatılacaqlar
İyulun 19-da baş tutacaq futbol üzrə 23-cü Dünya Kubokunun bağlanış mərasimində çıxış edəcək ulduzların adları açıqlanıb.
"Mediasport" xəbər verir ki, ABŞ, Kanada və Meksikanın birgə ev sahibliyi etdiyi mundial möhtəşəm şou-proqramla yekunlaşacaq.
Nyu-York/Nyu-Cersi stadionunda ("MetLife") reallaşacaq tədbirdə incəsənət dünyasının ən məşhur simaları iştirak edəcəklər.
Mərasimə Tom Kruz, Robbi Uilyams, Cennifer Hadson, Nikol Şerzinger, İşouspid və Laura Pauzini kimi məşhurlar qatılacaqlar.
Bağlanış iyulun Bakı vaxtı ilə saat 21:30-da start götürəcək.
