"Neftçi", "Sabah", "Qəbələ" cərimə ödəyəcək - AFFA İntizam Komitəsi
AFFA İntizam Komitəsinin iclası keçirilib.
"Mediasport" xəbər verir ki, toplantıda Əvəzedicilər Liqasının 2-ci turunun oyunları ilə bağlı qərarlar qəbul olunub:
23.08.2025-ci il tarixində Əvəzedicilər liqasının 2-ci turunun "Neftçi-2" - "Şamaxı-2" oyununun 69-cu dəqiqəsində "Neftçi-2" komandasının 57 nömrəli futbolçusu Mirşahbaz Şahbazov ikinci sarıdan qırmızı vərəqə aldığı üçün 1 oyun cəzalansın, "Neftçi-2" komandası 50 manat cərimə edilsin (maddə 17.7);
25.08.2025-ci il tarixində Əvəzedicilər Liqasının 2-ci turunun "Kəpəz-2" - "Turan Tovuz-2" oyununda "Kəpəz-2" komandasının 4 futbolçusu sarı vərəqə aldığı üçün "Kəpəz-2" komandası 70 manat cərimə edilsin (maddə 43.1);
25.08.2025-ci il tarixində Əvəzedicilər Liqasının 2-ci turunun "Kəpəz-2" - "Turan Tovuz-2" oyununun 52-ci dəqiqəsində "Kəpəz-2" komandasının azarkeşləri tərəfindən meydançaya kənar əşya atıldığına görə "Kəpəz-2" komandasına xəbərdarlıq edilsin (maddə 86.3);
25.08.2025-ci il tarixində Əvəzedicilər Liqasının 2-ci turunun "Araz-Naxçıvan-2" - "Sabah-2" oyununda "Sabah-2" komandasında 4 nəfər sarı vərəqə aldığı üçün "Sabah-2" komandası 70 manat cərimə edilsin (maddə 43.1);
26.08.2025-ci il tarixində Əvəzedicilər Liqasının 2-ci turunun "Qəbələ-2" - "Zirə-2" oyununda "Qəbələ-2" komandasının futbolçusu Elnur Mustafayevin formasında nömrəsi sifariş ərizəsindəki nömrəsindən fərqli olduğuna görə "Qəbələ-2" komandası 300 manat cərimə edilsin (maddə 83.3).
