Gəncə şəhər stadionunda gedən tikintidən ən son GÖRÜNTÜLƏR
Tikintisi tamamlanmış Gəncə şəhər stadionunda işlər yekunlaşmaq üzrədir.
"Mediasport" xəbər verir ki, arenada oturacaqların quraşdırılması tamamlanıb.
Xatırladaq ki, Gəncə stadionu 1959-1963-cü illərdə inşa edilərək 1964-cü ildə istismara verilib.
İdman qurğusunun istismarı yararsız vəziyyətə düşdüyündən ölkə prezidenti İlham Əliyevin sərəncamı ilə yenidən inşa edilir.
Stadion sentyabrın 28-də başlanacaq 3-cü MDB Oyunlarının açılışına qədər hazır olacaq.
3-cü MDB Oyunları 2025-ci il 28 sentyabr – 8 oktyabr tarixlərində Azərbaycanın yeddi şəhərində – Gəncə, Yevlax, Mingəçevir, Qəbələ, Şəki, Göygöl və Xankəndidə təşkil olunacaq.
Yarışın açılış mərasimi sentyabrın 28-də, bağlanış mərasimi isə oktyabrın 8-də Gəncə şəhər stadionunda keçiriləcək.
