İki qadın cüdoçumuz Avropa Kubokunda qızıl medal qazandı
Bosniya və Herseqovinanın paytaxtı Sarayevoda cüdo üzrə böyüklər arasında Avropa Kuboku başa çatıb.
"Mediasport" xəbər verir ki, yarışın sonuncu günündə milli komandamızın 3 üzvü fəxri kürsüyə yüksəlib.
48 kq çəki dərəcəsində Könül Əliyeva və 58 kq çəki dərəcəsində Gültac Məmmədəliyeva bütün görüşlərdə qalib gələrək qızıl medal qazanıb.
48 kq-da digər təmsilçimiz Leyla Əliyeva isə bürünc medala sahib çıxıb.
Yarışın ilk günündə Günel Həsənli (70 kq) bürünc mükafatla yadda qalmışdı.
Beləliklə, Azərbaycan yığması ümumilikdə 2 qızıl və 2 bürünc medal qazanaraq 30 ölkə arasında qadınların mübarizəsində 1-ci, ümumi komanda hesabında 5-ci yeri tutub.
