Milli komandanın məşq əşyaları oğurlandı, polis hərəkətə keçdi
İngiltərə milli komandası dünya çempionatının qrup mərhələsinin oyunu ərəfəsində xoşagəlməz hadisə ilə üzləşib.
"Mediasport" xəbər verir ki, yığmaya məxsus bir neçə avadanlıq - futbolçuların butsları, toplar və məşq ləvazimatları oğurlanıb.
Bununla yanaşı, komandanın baş məşqçisi Tomas Tuxelin istifadə etdiyi taktiki lövhələr də yoxa çıxıb.
ABŞ polisi hadisə bağlı bağlı açıqlamasında bunları deyib:
"Bu axşam Kanzas şəhərinə çatan komanda nəqliyyat vasitəsindən bəzi əşyaların oğurlanması ehtimalı ilə bağlı araşdırma aparırıq. İstintaq davam edir".
Xatırladaq ki, İngiltərə millisi DÇ-2026-nın qrup mərhələsinin birinci turunda iyunun 17-də Xorvatiya ilə qarşılaşacaq.
