"Kəpəz"in futbolçusu bıçaqlandı!
"Kəpəz"in futbolçusu Veysəl Rzayev bıçaqlanıb.
"Mediasport" xəbər verir ki, hadisə Gəncədə baş verib.
2002-ci il təvəllüdlü yarımmüdafiəçi kəsilmiş-deşilmiş yaralarla xəstəxanaya yerləşdirilib.
Zərərçəkənə təcili tibbi yardım göstərilib, əməliyyat olunub. Onun vəziyyəti orta-ağır qiymətləndirilir.
Rzayev "Kəpəz"ə ötən ay "Turan Tovuz"dan transfer olunub.
Faktla bağlı hüquq-mühafizə orqanları tərəfindən araşdırma aparılır. Hadisənin təfərrüatları dəqiqləşdirilir.
