"Kəpəz"in oğlanlar komandası qızlar millimizə qalib gəldi
"Kəpəz”in 14 yaşadək futbolçulardan ibarət oğlanlar komandası Azərbaycanın U-17 qızlar yığması ilə yoxlama matçı keçirib.
"Mediasport" xəbər verir ki, Gəncə şəhər stadionunun ehtiyat meydançasında gerçəkləşən görüşdə tərəflər hərəsi 40 dəqiqədən ibarət 2 hissədə mübarizə aparıblar.
Oyun “Kəpəz” U-14-ün 3:0 hesablı qələbəsi ilə yekunlaşıb.
Qeyd edək ki, yoxlama matçı U-17 qızlar yığmasının “Kəpəz” PFK-nın məşq mərkəzində təşkil olunan hazırlıq prosesi çərçivəsində keçirilib.
Xanım futbolçular sabah Gəncədəki təlim-məşq toplanışını başa vurub Avropa çempionatının seçmə mərhələsində çıxış etmək üçün Albaniyaya yollanacaqlar.
