İki gün ərzində keçirilən matçda sevinən tərəf xorvatlar oldular
UEFA Avropa Konfrans Liqasında Liqa mərhələsinin 2-ci turuna yekun vurulub.
"Mediasport" xəbər verir ki, Xorvatiyada güclü leysan səbəbindən yarımçıq dayandırılmış matçda "Riyeka" Çexiyanın "Sparta" klubunu məğlub edib.
Meydan sahibləri 75-ci dəqiqədə Adu Aceyin yeganə qolu sayəsində əsas mərhələdə ilk qələbəsini rəsmiləşdirib.
Xatırladaq ki, oyunun ilk hissəsi oktyabrın 23-də baş tutmuşdu.
