Premyer Liqaya vəsiqə qazanan ikinci komanda müəyyənləşdi
Futbol üzrə İngiltərə 1-ci Liqasında mövsümə yekun vurulub.
Çempionşip adlanan səviyyəcə ikinci divizionda son turun ardından Premyer Liqaya vəsiqə qazanan daha bir komanda müəyyənləşib.
46-cı tur görüşləri ilə elitaya "İpsviç Taun" yüksəlib.
İngiltərəli Kiran Makkenanın baş məşqçisi olduğu komanda son turda doğma meydanda QPR-i məğlub etməklə (3:0) liqada ikinci yeri tutub.
Xatırladaq ki, Premyer Liqaya çıxacağı daha əvvəl dəqiqləşən "Koventri Siti" çempionluğunu da bir neçə tur əvvəl təmin edib.
Elitaya sonuncu vəsiqənin sahibi Çempionşipdə 3-6-cı yerləri tutan klublar arasında pley-off və final matçları ilə bilinəcək.
Burada "Miluoll", "Sauthempton", "Middlsbro" və "Hall Siti" mübarizə aparacaq.
Mediasport.com.az
