"Qarabağ" 1500 manata ziyana düşdü, "Kəpəz"in azarkeşləri stadionun oturacaqlarını sındırdılar
AFFA İntizam Komitəsinin iclası keçirilib, Premyer Liqanın 28-ci turunda qeydə alınmış nöqsanlarla bağlı qərarlar çıxarılıb.
"Mediasport" xəbər verir ki, toplantıda "Qarabağ", "Neftçi", "Turan Tovuz", "Kəpəz" və "Araz-Naxçıvan" klubları cərimələnib.
"Araz-Naxçıvan" "Neftçi" ilə oyununun gec başlanmasına görə cərimələnib. Qarşılaşmanın startın Naxçıvan təmsilçisinin futbolçusunun formasında qüsur olmasına görə gecikib.
Elmar Baxşıyevin komandası buna görə 800 manat cərimə ödəyəcək. "Neftçi" isə bu matçda 6 futbolçusu sarı vərəqə aldığı üçün 700 manat ziyana düşüb.
"Qarabağ"la oyunda dörd futbolçusu sarı vərəqə alan "Turan Tovuz" da eyni məbləği ödəyəcək. Azarkeşlərin pirotexniki vasitədən istifadəsinə görə Ağdam klubu 1500 manat cərimə ödəyəcək.
"Kəpəz" - "Səbail" görüşündə isə fanatlar altı oturacağı sındırıblar. Dəymiş ziyan "Kəpəz" tərəfindən ödəniləcək.
