"Qarabağ" "Mançester Siti"nin sabiq futbolçusunu gətirdi
"Qarabağ" növbəti futbolçu keçidini gerçəkləşdirib.
"Mediasport" xəbər verir ki, Ağdam təmsilçisi Kiprin APOEL klubundan Dieqo Rosa ilə anlaşıb.
Braziliyalı yarımmüdafiəçi qarşıdakı 1 ildə "atlılar"ın heyətində icarədə oynayacaq.
Müddətin sonunda “Qarabağ”ın 23 yaşlı yarımmüdafiəçini transfer etmək opsiyası var.
O, 33 nömrəli forma ilə çıxış edəcək.
2021-ci ildə “Qremio”dan “Mançester Siti”yə transfer olunan Rosa “Lommel” (Belçika), “Vizela” (Portuqaliya), “Bahia” və “İnter” (hər ikisi Braziliya) klublarında çıxış edib.
O, 2025-ci ildə APOEL-ə keçib.
Rosa Braziliyanın U-16 və U-17 milli komandalarında çıxış edib.
