Rüfət Abdullazadə Xorvatiyada növbəti qələbənin iştirakçısı oldu
Azərbaycanlı futbolçu Rüfət Abdullazadə Xorvatiya çempionatında növbəti oyununu keçirib.
"Mediasport" xəbər verir ki, vingerin formasını geyindiyi "Varajdin" 8-ci tur çərçivəsində “Vukovar 1991”lə qarşılaşıb.
Rüfətin 65 dəqiqə meydanda olduğu görüş komandasının qələbəsilə yekunlaşıb - 2:1. Hər iki qol onun oyunda olduğu müddətdə vurulub.
Qələbə sayəsində xallarının sayını 12-yə çatdıran "Varajdin" turnir cədvəlində üçüncü pilləyə yüksəlib. Lider Zaqreb “Dinamo”sunun 16 xalı var.
