"Sabah"ın sabiq üzvü DÇ-də: "Cırtdan"ların heyəti açıqlandı
Tarixində ilk dəfə futbol üzrə dünya çempionatının final mərhələsinə vəsiqə qazanan Kürasao milli komandasının 26 nəfərlik ilkin heyəti açıqlanıb.
Niderlandlı Dik Advokaatın baş məşqçisi olduğu "cırtdan"lar E qrupunda Almaniya, Fil Dişi Sahili və Ekvador kollektivləri ilə mübarizə aparacaqlar.
2023/2024 mövsümündə "Sabah"da forma geyinmiş Jarl Marqarita da mundialda çıxış edə bilər.
Dünya çempionatı 11 iyun - 19 iyul tarixlərində ABŞ, Kanada və Meksikada keçiriləcək.
Turnirdə ilk dəfə 48 komanda iştirak edəcək.
Qapıçılar: Tirik Bodak ("Telstar"), Trevor Dornbuş ("Venlo"), Eloy Rom ("Mayami");
Müdafiəçilər: Riçedli Bazoer ("Konyaspor"), Coşua Brenet ("Kayserispor"), Roson van Eyma ("Valviyk"), Şerel Floranus ("Pek Zvolle"), Deveron Fonvil (NEK), Yurien Qaar ("Abha"), Armando Obispo (PSV), Şurandi Sambo ("Sparta" Rotterdam);
Yarımmüdafiəçilər: Juninyo Bakuna ("Volendam"), Leandro Bakuna ("İğdır"), Livano Komenensiya ("Sürix"), Kevin Felida ("Den Boş"), Aryani Marta ("Roterhem"), Tirez Noslin ("Telstar"), Qodfrayd Romeratoe ("Valviyk");
Hücumçular: Ceremi Antonisse ("Kifisya"), Tahit Çonq ("Şeffild Yunayted"), Kenji Qorr ("Makkabi" Hayfa), Sontye Hansen ("Middlsbro"), Gervan Kastaner ("Terenqqanu"), Brendli Kuvas ("Volendam"), Yürgen Lokadya ("Mayami"), Jarl Marqarita ("Beveren").
Mediasport.com.az
