"Şirvan" möhtəşəm qələbə ilə Region Liqasında finala çıxdı
AFFA Region Liqasında yarımfinal mərhələsinin cavab qarşılaşmaları keçirilir.
"Mediasport" xəbər verir ki, "Şirvan" ötən həftə Qazaxda məğlub olduğu "Göyəzən"i qəbul edib.
2 minə yaxın azarkeş qarşısında 90 dəqiqə ərzində rəqibindən aşkar üstün oyun nümayiş etdirən aranlılar möhtəşəm qələbə ilə finala vəsiqə qazanıblar - 4:0.
Komandalar arasında ilk dueldə qazaxlılar 4:1 hesablı qələbə əldə etmişdilər.
Yarımfinalın digər cütündə "Xankəndi" "Ağstafa Gəncləri" ilə görüşüb. Qarabağlılar ilk oyundakı qalibiyyətin (4:0) davamını gətiriblər - 1:0.
Xatırladaq ki, Region Liqasının final görüşü mayın 22-də Qəbələ şəhər stadionunun əsas meydanında baş tutacaq.
