AFFA-nın baş katibi Fransada Elxan Məmmədovla görüş keçirdi
AFFA-nın baş katibi Cahangir Fərəcullayev Fransada işgüzar səfərdə olub.
"Mediasport" xəbər verir ki, Fərəcullayev FİFA-nın Parisdə yerləşən ofisində bir sıra görüşlər keçirib.
O, tanışlıq çərçivəsində ali futbol qurumunun Avropa üzrə regional direktoru Elxan Məmmədov, Regional koordinatoru Maruan Gava, həmçinin FIFA-nın bəzi departament rəhbərləri ilə görüşüb.
Görüşlərdə ölkəmizdə futbolun inkişafı üzrə əməkdaşlıq imkanları, kütləviliyin və futbola marağın artırılması məsələləri müzakirə olunub.
Eyni zamanda baş katibə FIFA-nın müxtəlif proqramları haqqında məlumat verilib.
